91-ամյա Շառլ Ազնավուրը Լոնդոնի Ալբերտ-հոլլում երբեւէ ելույթ ունեցած ամենատարեց կատարողն է: Այս մասին գրել է բրիտանական Independent-ը: Հոդվածում նշվում է.

«Ոչ բարձրահասակ եւ տարեց Ազնավուրը բեմ է բարձրանում ո՛չ զվարճանալու: Օգոստոսյան Փարիզի մասին Paris Au Mois D’Août երգը՝ դժբախտ սիրո մասին հին ֆիլմից, նա ավարտում է բարձր նոտայով:

Ազնավուրը երգում է ոչ միայն Հարավային Քենսինգթոնում հավաքված լոնդոնյան ֆրանսիացիների համար: Նրան սիրում է նաեւ Լոնդոնի եւ ամբողջ Բրիտանիայի հայ համայնքը, եւ ամենեւին էլ ո՛չ առանց պատճառի:

Եթե նախկինում չեք լսել Ազնավուրի ստեղծած ավելի քան հազար երգերից ոչ մեկը, ահա ձեզ եւս մի քանիսը, որը նա կատարեց: Երգելով The Old Fashioned Way-ը՝ նա շարունակում է կատարել նույնասեռականության մասին What Makes A Man A Man-ը:

Նա բեմից հեռանում է՝ ծաղկեփունջն ուսին դրած, ինչպես զենքը: Խոստանում է այս բեմ վերադառնալ 100 տարեկանում: Եվ մի սպասեք, որ դա տեղի չի ունենա»:

Տարածել`