30 տարվա աշխատանքից հետո լույս է տեսել «Հայաստանի Հանրապետություն պատմական հանրագիտարանը»

«Հայաստանի Հանրապետություն պատմական հանրագիտարան» 11 հատորանոց հանրագիտարանը, որն ամփոփված է մեկ գրքում հեղինակել ու խմբագրել է Սամվել Հակոբյանը, ով այսօր լրագրողների հետ հանդիպմանը ներկայացրեց այն։

Նա ասաց, որ հանրագիտարանում ներառված են ՀՀ բոլոր մարզերի բնակավայրերը՝ իրենց պատմամշակութային միջավայրով ու պատմությամբ: Գրքում ներառված են նաև Արցախի պատմամշակութային հուշարձանների մասին տեղեկություններ: Հանրագիտարանը եռալեզու է՝ անգլերեն, ռուսերեն ու հայերեն:

«Ես անդրադարձել եմ նաև ՀՀ հարակից շրջաններում՝ Վրաստանում, Իրանում գտնվող հայկական մշակութային հուշարձաններին: Հուշարձանների բոլոր լուսանկարներն իմ հեղինակային նկարներն են, միայն մի քանի լուսանկարներ կան, որ իմը չեն, բայց նշված է հեղինակի անունը»,- ասաց նա։

Ինչպես տեղեկացրեց Սամվել Հակոբյանը, գրքերը հանձնելու են կրթօջախներին, ՊՆ-ին ու Արցախի ՊԲ-ին՝ զորամասերում տարածելու համար: Արդեն մեկական օրինակ ուղարկել է  վարչապետին, ԱԺ նախագահին ու ՀՀ Նախագահին»,- ասաց նա։

«Երեսուն տարի շարունակ աշխատել եմ գրքի վրա՝ հավաքագրելով ամբողջ տեղեկատվությունը, հուշարձանների լուսանկարները: Գրքում քսան հազարից ավելի հուշարձան է ներառված, ավելի քան տասը հազար լուսանկար»,- ասաց նա:

Հանրագիտարանը լույս է տեսել առայժմ հազար օրինակով:

Տարածել`
Share

You may also like...

0 thoughts on “30 տարվա աշխատանքից հետո լույս է տեսել «Հայաստանի Հանրապետություն պատմական հանրագիտարանը»”

Leave a Reply

Your email address will not be published.