Գտնվել է Արշիլ Գորկու նոր կտավը. բացահայտումներ նկարչի մահից 73 տարի անց

Եկող ամիս Մանհեթանում բացվող ցուցանհանդեսում այցելուներին սպասվում է ցնցող անակնկալ. Ցուցադրությանը կներկայացվի Արշիլ Գորկու նոր կտավը, որը գտնվել է նկարչի մահից 73  տարի անց:

Հեղինակն այն թաքցրել էր կյանքի վերջին տարիներին ստեղծած կտավներից մեկի տակ:
Այս մասին հաղորդել է New York Times-ը:

Մարդիկ, ովքեր ճանաչում էին Արշիլ Գորկուն և նրա արվեստը, վստահ էին, որ նրա արվեստում սահմաններ չկան. պատմությունը ցույց տվեց, որ նրանք իրավացի էին:

Արշիլ Գորկի. նոր կտավը բացահայտվել է նկարչի մահից 73 տարի անց

Նոր աշխատանքը մակագրված է  «Անվերնագիր (Վիրջինիայի ամառ)» (1946-47), այն նրա ստեղծագործությունների բոլորովին նոր լրացումն է:

Նկարչի կտավը բացահայտել են երկու շվեյցարացի կոնսերվատորներ, որոնցից մեկը` Միքայելա Ռիտերը խոստովանել է, որ այնպիս դեպքեր ամեն տարի չէ, որ տեղի է ունենում: Սա իսկապես յուրահատուկ իրադարձություն է:

Ամերիկահայ նկարիչ Արշիլ Գորկին  ծնվել է 1904թ. ապրիլի 15-ին Արևմտյան Հայաստանի Վանի նահանգի Հայոց ձոր գավառի Խորգոմ գյուղում: Նախնական կրթությունն նստացել է ծննդավայրի և Վանի դպրոցներում: 1926թ. ավարտել է Նյու Յորքի արվեստի կենտրոնական դպրոցը:

 

5 տարի դասավանդել է Նյու Յորքի արվեստի կենտրոնական դպրոցում:

Ստեղծագործական առաջին շրջանում հիմնականում ստեղծել է դիմանկարներ, նատյուրմորտներ, բնանկարներ՝ ինպրեսիոնիստների ազդեցությամբ, ապա հակվել վերացարկումնային (աբստրակտ) նկարչությանը:

Գորկի իր նկարներով արժանցել է համաշխարհային հռչակի՝ որպես ժամանակակից արվեստում «սյուռեալիստական էքսպրեսիոնիզմի» սկզբնավորողի:

Կյանքի վերջին տարինեին ստեղծել է հնչեղ գույներով ինքնատիպ կտավներ:

Գորկու արվեստի վերացարկված ձևերի գունային խարիսխը նրա մանկության պայծառ հիշատակների՝ Վանա լճի կապույտի, դեղնավուն ավազի, ծիրանի արևախանձ գույնի արձագանքն է:

Հոգևոր արմատներով Գորկին կապված էր Հայաստանին ու հայ ժողովրդին: 1938թ. նա Հայաստան է ուղարկել չորս պատկեր, 1941թ. Նյու Յորքում կազմակերպված վաճառք-ցուցահանդեսում երկու նկար նվիրել կարմիր բանակին օգնելու գործին:

Գորկու կտավները գտնվում են ԱՄՆ-ի մի շարք նշանավոր, Լոնդոնի «Թեյթ» և Փարիզի Ժ. Պոմպիդուի անվան ժամանակակից արվեստի թանգարաններում:

2004թ.-ից Երևանում գործում է «Արշիլ Գորկի» հիմնադրամը:

Մահացել է 1948թ. հուլիսի 21-ին ԱՄՆ-ի Նյու Յորք քաղաքում:

Գորկու կտավները`

«Նկարիչն ու իր մայրը», Ուիտնի ամերիկյան արվեստի թանգարան, Նյու Յորք, 1928-1932:

«Այգիներ Սոչիում», 1938 (նախնական անվանումը՝ «Այգիներ Խորգոմում»):

«Ջրվեժ», «Թեյթ» պատկերաասրահ, Լոնդոն, 1943:

«Ծաղկավետ ջրաղացի ջրերը», Մետրոպոլիտեն թանգարան, Նյու Յորք, 1944:

«Ինչպես է մորս ասեղնագործ գոգնոցը բացվում իմ կյանքում», Սիեթլ քաղաքի թանգարան, 1944:

«Հովեվարք», Ժամանակակից արվեստների թանգարան, Նյու Յորք, 1947:

«Արորը և երգը», 1947:

1934թ.՝ անհատական ցուցահանդես, Ֆիլադելֆիա:

1939, 1945, 2003թթ.՝ անհատական ցուցահանդեսներ, Նյու Յորք:

1941թ.՝ անհատական ցուցահանդես, Սան Ֆրանցիսկո:

1956թ.՝ Ամերիկյան արվեստի ցուցահանդես, Մոսկվա:

1963թ.՝ Ամերիկյան գրաֆիկայի ցուցահանդես, Երևան:

Տարածել`
Share

Tags

You may also like...

Արխիվ

December 2021
M T W T F S S
 12345
6789101112
13141516171819
20212223242526
2728293031