Օփրա Ուինֆրին կինոաշխարհ է վերադառնում

Ամերիկացի հեռուստահաղորդավարուհի, դերասանուհի Օփրա Ուինֆրին կնկարահանվի Հենրիետա Լաքսի մասին ֆիլմում, որը հիմնված է մի կնոջ կյանքի պատմության վրա, ում անձնական ողբերգությունն օգնել է միլիոնավոր մարդկանց, գրում է buro247.ru-ն:

Աֆրոամերիկուհի Հենրիետա Լաքսը մահացել է քաղցկեղից 1951-ին: Նրա մահվանից հետո կենսաբաններն անալիզի համար վերցրել են նրա ուռուցքի բջիջները, ինչը թույլ է տվել պարզել, որ դրանք շատ են տարբերվում առողջ բջիջներից, քանի որ անմահ են: Այդպիսով՝ հիվանդության ուսումնասիրման պատմության մեջ նոր էջ է բացվել:

Հենրիետա Լաքսի պատվին բջիջներն անվանվել են HeLa` նրա անվան և ազգանվան առաջին տառերով, և հետագայում օգնել են ստեղծել շատ պատվաստանյութեր ու դեղամիջոցներ։

Լաքսին նվիրված կենսագրական ֆիլմում Օփրա Ուինֆրին կկատարի ոչ թե գլխավոր հերոսուհու դերը, այլ նրա դստեր` Դեբորայի դերը, ով կպատմի ամբողջ պատմությունը։

Տարածել`
Share

You may also like...

0 thoughts on “Օփրա Ուինֆրին կինոաշխարհ է վերադառնում”

Leave a Reply

Your email address will not be published.