Թուրքական լրատվամիջոցների հաղորդմամբ Ադրբեջանում փլուզվել է Օղուզի՝ Վարդաշենի Հայ Առաքելական եկեղեցին:

Այս մասին գրում է  hraparak.am-ը՝ հղում անելով թուրքական haqqin.az-ին: Ըստ տեղեկության՝  եկեղեցին ներկայացվել է որպես ուտիական:

Սակայն պետք է նշել, որ ուտիները կամ գարգարացիները, որոնց թիվը ամբողջ աշխարհում տասնմեկ հազար է, մեծ մասամբ պատկանում են Հայ Առաքելական եկեղեցուն, իսկ մաս էլ` ուղղափառներին:

Նշվում է, որ եկեղեցին գտնվում է Օղուզի նախկին հիվանդանոցի շենքի հարևանությամբ, որն իր հերթին կառուցվել է խորհրդային տարիներին` անցյալ դարի 50-ական թթ:

Եկեղեցին մինչև բոլորովին վերջերս եղել է գործող,  որտեղ արարողություններ են անցկացվել ուտիերենով:

Թեև ադրբեջանական լրատվամիջոցը եկեղեցին ներկայացնում է որպես Ալբանական եկեղեցի, սակայն  ուսումնասիրությունները փաստում են, որ Ալբանական եկեղեցին, որը փորձում է Ադրբեջանի վարչակազմը թմբկահարել, ըստ էության, մասն է Աղվանից եկեղեցու, կամ Հայոց Արևելից Կողմանց եկեղեցու, որը եղել է Հայ Առաքելական եկեղեցու մի մասը և  հիմնադրվել է Ս. Գրիգորիսի կողմից:

Ենթադրաբար՝ Օղուզի եկեղեցին Հայ Առաքելական Ս. Եղիշե եկեղեցին է: Այն, որ եկեղեցին պատկանում է հայկական ծիսական ավանդույթին, վկայում է նաև խորանի կառուցվածքները, խորհրդանոցները, եկեղեցու ընդհանուր ճարտարապետական առաձնահատկությունը:

Հարկ է նշել, որ եկեղեցին գտնվում է Ադրբեջանի Մշակույթի նախարարության հաշվեկշռում:

Աղբյուրը՝ hraparak.am

Տարածել`