Ռուսաստանի Ռոստով քաղաքում «Աստղերի պողոտա» նախագծի հանրային խորհուրդը հաստատել է 10 թեկնածուների անուններ՝ «Գարուն- 2014» համաժողովրդական քվեարկության համար, հայտնում է «Комсомольская правда»-ն։

Թեկնածուների թվում է նաև 20-րդ դարի խորհրդային գեղանկարչության հայ վարպետ Մարտիրոս Սարյանը։

Ցուցակում ներառված են նաև Ֆեյա Բալաբինան՝ բալետի պարուհի, բալետմեյստեր, Միխայիլ Գնեսինը՝ կոմպոզիտոր, մանկավարժ, հասարակական գործիչ, Նատալյա Կիսան՝ առաջին կին կապիտանն Ազովի ծովում, Լեոնիդ Սեդովը՝ խորհրդային գիտնական, ռուս մեխանիկ և մաթեմատիկոս, Տարտակովեր Սավելին՝ 20-րդ դարի շախմատի գրոսմայստեր։

Ապրիլի 1-ին 3 թեկնածուները, որոնք առավել շատ ձայներ կհավաքեն, կանցնեն եզրափակիչ փուլ, որի արդյունքներով էլ մայիսի 1-ին կորոշվի «Գարուն-2014»-ի աստղը։

Տարածել`