Վախճանվել է իտալացի հայտնի գրող Սեբաստիանո Վասսալին

Իտալացի հայտնի գրող, գրականության Նոբելյան մրցանակի թեկնածու Սեբաստիանո Վասսալին մահացել է Նովարա քաղաքում 73 տարեկան հասակում։ Ինչպես լրագրողներին  հայտնել է գրողի ընկեր, Նովարայի գրական հետազոտությունների կենտրոնի նախագահ Ռոբերտո Չիկալան, մահը վրա է հասել ոչ տեւական, սակայն անբուժելի հիվանդության պատճառով, փոխանցում է «ՌԻԱ Նովոստի»-ն։

Վասսալին իտալական պոստմոդերնիստական արձակի վառ ներկայացուցիչներից է։ 1960-1970-ական թթ. նա Gruppo 63 միության նախագահն էր եւ գտնվում էր նեոավանգարդիստական ուղղության ուժեղ ազդեցության տակ, որն իր հետքն է թողել նրա հետագա գործունեության վրա։

Վասսալին  հեղինակ է մի քանի վեպերի, որոնցից հատկապես մեծ հռչակ են վայելում «Աշխարհի ոսկին» (1987) եւ «Հիմերան» (1990)։ 2015թ. մարտին նրան առաջադրել էին գրականության Նոբելյան մրցանակի։

Տարածել`
Share

You may also like...

0 thoughts on “Վախճանվել է իտալացի հայտնի գրող Սեբաստիանո Վասսալին”

Leave a Reply

Your email address will not be published.