Դերասան Սթիվեն Սիգալին ու բռնցքամարտիկ Ռոյ Ջոնսին առաջարկել են ռուսական հակաալկոհոլային արշավի դեմքը դառնալ, տեղեկացնում է Lenta.ru-ն:

Համապատասխան նախաձեռնությամբ է հանդես եկել Ռուսաստանի կամավորների միության նախագահ, նախագահին կից մարդու իրավունքների խորհրդի նախագահության անդամ Յանա Լանտրատովան:

Նշվում է, որ Սիգալի ու Ջոնսի թեկնածությունն ընտրվել է, քանի որ նրանք «հայտնի են առողջ կենսակերպով և հարգում են Ռուսաստանը»։

Նախաձեռնության հեղինակների կարծիքով՝ երիտասարդների շրջանում անհրաժեշտ է ամրապնդել հաջողությունների ու առողջ կենսակերպի միջև եղած կապը։

Միևնույն ժամանակ՝ ՌԴ-ում Սիգալի ներկայացուցիչ Տիմոֆեյ Բրիկը հայտարարել է, որ դերասանի հետ դեռ ոչ ոք չի կապվել, սակայն եթե նման առաջարկ լինի, Սիգալը կուսումնասիրի այն:

Ռոյ Ջոնսի ներկայացուցիչը վստահ է, որ բռնցքամարտիկը կհամաձայնի արշավի դեմքը դառնալ։

«Մենք արդեն ավելի քան տասը տարի ընկերություն ենք անում,  և ես ոչ մի անգամ չեմ տեսել կամ լսել, որ նա ալկոհոլ է օգտագործում: Նրա կյանքն օրինակ է, թե ինչպես կարելի է երջանիկ լինել առանց խմիչքի»,-ասել է Ռոյ Ջոնսի ներկայացուցիչը։

Տարածել`