Ռուդիկ Գևորգյանի «Սպիտակ ոսկու հավերժացումը» գիրքը գտավ իր ընթերցողին

Մայիսի 8-ին Սյունիքի մարզային գրադարանի սպասարկման բաժինը մարդաշատ էր. Ռուդիկ Գևորգյանի  «Սպիտակ   ոսկու հավերժացումը»գրքի շնորհանդես միջոցառումը նվիրված  էր Ավանի աղի կոմբինատը գործարկող, երկարամյա տնօրեն, գիտնական  Շահեն Առաքելի Մինասյանի ծննդյան 80-ամյակին: Միջոցառմանը ներկա էին մերձավորի որդին, քույրը, հարազատներ, համագյուղացիներ, աշխատանքային ընկերներ, մոտիկից ճանաչողներ, գրադարանավարներ, գրադարանի ակտիվ ընթերցողներ մարզպետարանի և քաղաքապետարանի աշխատողներ:  Էկրանի վրա  տեսաշարով  ներկայացվեց  Շահեն Մինասյանի կյանքն ու գործունեությունը:

Միջոցառումը բացեց գրադարանի տնօրեն Սուսաննա  Շմավոնի  Մինասյանը:

Գիրքը  համառոտ  ներկայացրեց աշխատանքային երկարամյա ընկեր Գեորգի Խուրշուդյան – Հասրաթյանը:

Հարակից ելույթ ունեցավ գրքի հեղինակ Ռուդիկ Գևորգյանը:

Հուշերով  ներկայացան համագյուղացի Հրանտ Հարությունյանը, «Զորավիգ» թերթի խմբագիր, իրավաբան Պուշկին Սերոբյանը,  քրոջ ամուսին` Սպարտակ Մանուչարյանը, Կապանի երկրագիտական թանգարանի տնօրեն Գրիշա Սմբատյանը, Կապան քաղաքի բնակիչներ Նինա Դանիելյանը, Ռիմա Մարգարյանը, Կառլեն Թադևոսյանը և ուրիշներ: Իսկ եղբոր թոռ Վարսինե   Ավանեսյանը ասմունքեց Շահեն Մինասյանին նվիրված ստեղծագործություններից:

Ելույթ ունեցողները դրվատանքի խոսքեր ասացին տնօրեն մարդու , գիտնականի, հարազատի բարեմասնությունների  մասին, իսկական հայ ղեկավարի, որը միաժամանակ մտածում էր աշխատողի ապրելակերպի մասին: Առաջարկություններ եղան Աղի հանքի հիմնադրի Շահեն Մինասյանի անվամբ անվանակոչել Աղի հանքը, փողոց, կանգնեցվի կիսանդրին, կառուցվի հուշաղբյուր:

Տարածել`
Share

You may also like...