Ջորջ Քլունին ֆիլմ կնկարահանի Քոեն եղբայրների սցենարի հիման վրա

Հանրահայտ դերասան և ռեժիսոր Ջորջ Քլունին կրկին ձեռքը կվերցնի տեսախցիկը. այս անգամ նա կէկրանավորի «Սուբուրբիկոն» կատակերգության սցենարը, որը 10 տարի առաջ գրել են Քոեն եղբայրները, գրում է buro247.ru-ն:

Հայտնի է, որ այժմ դերասանը բանակցություններ է վարում ֆիլմի էկրանավորման վերաբերյալ։

Առաջին անգամ աշխարհը «Սուբուրբիկոն»-ի մասին լսել է 2005-ին, երբ ռեժիսորներն առաջարկել էին Քլունիին մասնակցել նոր ֆիլմի նկարահանումներին: Սակայն սցենարն այդպես էլ մնացել էր, քանի որ եղբայրները սկսել էին զբաղվել իրենց այլ նախագծերով։

Քոենները և Քլունին համագործակցում են արդեն մոտ 15 տարի, նրանց առաջին համատեղ աշխատանքը եղել է «Օ, որտե՞ղ ես դու, եղբայր» ֆիլմը։

Տարածել`
Share

You may also like...

0 thoughts on “Ջորջ Քլունին ֆիլմ կնկարահանի Քոեն եղբայրների սցենարի հիման վրա”

Leave a Reply

Your email address will not be published.