«Գովազդի առումով տեղը հարմար չէ. թատրոնը հեռու է ճանապարհից»,-դժգոհեց Վարդան Գրիգորյանը՝ միաժամանակ նշելով, որ փորձում է բանակցել Սիրահարների այգու տնօրենության հետ, որպեսզի այգու ճեմուղին՝ թատերական դարձնելու միջոցով, այցելուներին ուղղորդեն դեպի թատրոն:
Նախարար Արմեն Ամիրյանը հակադարձեց, որ ճանապարհն ու ճեմուղին հարցի լուծում չեն: Ժամանակի մեջ քայլել պետք է սովորել, ակտիվանալ սոցցանցերում, արդյունավետ փիարի տարբեր ուղիներ գտնել:

«Ես ձեզ չեմ մեղադրում, ձեր առջև նման պահանջներ, թերևս, չեն դրվել: Մենք պետք է շտապ որոշում կայացնենք. ձեր թատրոնին գեղարվեստական ղեկավար է անհրաժեշտ, որի հետ և կմշակեք ձեր ստեղծագործական ծրագրեը՝ Կամերային երաժշտական թատրոնի ցուցանիշները լավացնելու համար: Առաջիկա տասն օրերի ընթացքում կփորձենք լուծել գեղարվեստական ղեկավարի հարցը: Դրանից հետո երկու շաբաթ կտրվի՝ նրա հետ գործնական ծրագիր մշակելու և ներկայացնելու համար»:

Հեղինակ` Ալիսա Գևորգյան