panorama.am-ը գրում  է՝

Լոնդոնի դիմանկարի ազգային պատկերասրահի մասնագետները հույս ունեն ներկայացնել հանրությանն  անգլիացի հայտնի գրող և դրամատուրգ Ուիլյամ Շեքսպիրի իսկական դեմքը:  Այդ պատճառով նրանք ուզում են վերամշակել Շեքսպիրի հայտնի այսպես կոչված «Չանդոսի դիմանկարը»: Այս մասին գրում է ՏԱՍՍ-ը՝ հղում անելով Times թերթին:

Դիմանկարն արված է, որոշ տվյալներով, 1610 թվականին, երբ Շեքսպիրը եղել է 46 տարեկան, հնարավոր է հեղինակը Ջոն Թեյլորն է:

Հարյուրամյակների ընթացքում դիմանկարը, միակը, որի համար կարող էր հենց բնորդ լինել Շեքսպիրը, վնասվել է, մասնագետների պնդմամբ, փոփոխվել է: Մասնավորապես, հնարավոր է երկարացվել է մազերն ու մորուքը: Վերականգնողները բացատրում են այդ փոփոխությունը՝ դրամատուրգի արտաքինն ավելի հստակ ներկայացնելու գեղանկարիչների ձգտմամբ, այսինքն համապատասխանեցնելու այն նկարագրին, որ երկար տարիներ ներկայացվել է:

Նկարը գտնվել է Լոնդոնի Հերցոգի թատրոնում 1660-ականներից: 1856 թվականին կտավը պատկանում է Դիմանկարի ազգային պատկերասրահին և այդ ժամանակվանից չի վերականգնվել:

Fine Art վերականգնման ընկերության տեխնիկական տնօրենը չի բացառում, որ կտավի վերականգնման ժամանակ հնարավոր է փոխվի պատկերացումն այն մասին, թե ինչպիսի տեսք է ունեցել Շեքսպիրը:

«Հնարավոր է լինի դրամատիկ  բացահայտում»,- ասել է նա:

Փորձագետների գնահատմամբ, վերականգնումը հնարավոր է տևի մինչև մեկ տարի:

Տարածել`