«Նախագիծը երկար կյանք կունենա»

Մշակութային ալիքի մրցույթի հայտագրումը սկսվել է: Հայտերի ընդունման վերջնաժամկետը ապրիլի 4-ն է: Արվեստի տարբեր բնագավառներն ընդգրկող մրցույթի մտահղացումը «A21TV» մշակութային հեռուստաընկերությանն է: Մասնակցում են 14-35տարիքային սահմանում գտնվող անհատներն ու ստեղծագործական խմբերը: Նպատակն է Հայաստանում ձևավորել «մշակութային հեռուստաընկերություն» հասկացությունը և համակարգված ներդրումներով աջակցել երկրում արվեստի ոլորտի զարգացմանը: Այս տարի մրցույթը կրում է «Հարթելով ուղիներ» խորագիրը: Այն անցկացվելու է կինոարվեստի, կերպարվեստի, երգարվեստի, հագուստի մոդելավորման անվանակարգերում:

«A21TV» մշակութային հեռուստաընկերության տնօրեն Արթուր Հակոբյանի տեղեկացմամբ` այս տարի ավելացել է նաև պարարվեստը: Նրա խոսքով` մրցույթն աննախադեպ է, կան տարատեսակ մշակութային փառատոներ, բայց մշակութային ամենամյա հեռարձակվող նման մրցույթ չկա: Նա վստահ է, որ մշակութային հեռուստաալիքի այս նախագիծը երկար կյանք կունենա: Հանձնախմբի կազմում են ԵԹԿՊԻ-ի թատրոնի ֆակուլտետի դեկան Աննա Հեքեքյանը, վաստակավոր արտիստ Տիգրան Ներսիսյանը, երգահան Արմեն Մովսիսյանը, դիզայներ Միքայել Շարաֆյանը, քյամանահար, երգահան Մխիթար Քեթցյանը և այլք:

Հաղթող մասնակիցներին տրամադրելու են «Մշակութային ալիք»-ի բոլոր հարթակները` ԱՄՆ-ի, ՌԴ-ի, Հայաստանի հեռուստաընկերությունները և, իհարկե, ռադիոն: Իսկ հաջորդ տարի բոլոր մասնակիցները վեբ-կայքեր նվեր կստանան` ներկայացնելու համար իրենց աշխատանքները:

Հեղինակ` Արմինե ՍԱՐԳՍՅԱՆ

Աղբյուրը` irates.am

Տարածել`
Share

You may also like...

Sorry - Comments are closed