Կինոռեժիսոր Էլդար Ռյազանովին, որը մահացել էր նոյեմբերի  30-ի գիշերը, հուղարկավորել են Մոսկվայի Նովոդեւիչիեի գերեզմանատանը: Այդ մասին հինգշաբթի` դեկտեմբերի   3-ին տեղեկացրել է ՌԻԱ Նովոստին:

ԽՍՀՄ ժողովրդական արտիստի գերեզմանը հեռու չէ խորհրդային հաղորդավար Յուրի Լեւիտանի գերեզմանից:

Կինեմատոգրաֆիստին հրաժեշտը տեղի է ունեցել Գրականության աշխատողների կենտրոնական տանը: Արվեստագետի հիշատակը հարգելու են եկել հարյուրավոր մարդիկ: Մասնավորապես, ցավակցական խոսքեր են ասել դերասաններ Օլեգ Բասիլաշվիլին, Ալեքսանդր Շիրվինդտը, դերասանուհիներ Լիա Ախեջակովան, Իննա Չուրիկովան, ռեժիսորներ Վլադիմիր Մենշովը, Անդրեյ Սմիրնովը, Վիտալի Մանսկին:

Ռյազանովը մահացել է նոյեմբերի 30-ի գիշերը: Ռեժիսորն 88 տարեկան էր: Բժիշկները նրա մոտ թոքերի եւ սրտի անբավարարություն էին ախտորոշել:

Տարածել`