Մոսկվայում կկայանա Սարկոզի ավագի ցուցահանդեսը

Մոսկվայում տեղի է ունենալու Գեղարվեստի ռուսական ակադեմիայի պատվավոր անդամ Պալ Սարկոզիի՝ Ֆրանսիայի նախկին նախագահ Նիկոլա Սարկոզիի հոր ցուցահանդեսը, տեղեկացնում է gazeta.ru-ն։

Նկարիչը նախատեսում է ներկա գտնվել ցուցահանդեսի բացմանը, որը տեղի է ունենալու այսօր։ «Եթե անկանխատեսելի ոչինչ տեղի չունենա, ապա իր ցուցահանդեսի բացմանը նա ներկա կգտնվի»,-ասել են Ակադեմիայի մամուլի ծառայությունից։

Սա Սարկոզի ավագի առաջին ցուցադրությունը չէ Մոսկվայում։ Նախորդը տեղի էր ունեցել 2011 թվականին։

Ցուցահանդեսի կազմակերպիչները նշել են, որ վերջերս նկարչի մոտ գաղափար է հղացել ստեղծելու Art Dominos ցուցադրությունը, որին ներկայացվելու են տարբեր ազգերի, մշակույթների, սոցիալական ու կրոնական խմբերի ներկայացուցիչների դիմանակրները, որոնց Պալ Սարկոզին պատկերել է դոմինո խաղի սկզբունքով։

Տարածել`
Share

Tags

You may also like...

0 thoughts on “Մոսկվայում կկայանա Սարկոզի ավագի ցուցահանդեսը”

Leave a Reply

Your email address will not be published.