Այս տարի «Հայ ֆեստ» միջազգային թատերական 15-րդ փառատոնը կհյուրընկալի 20 երկրից ժամանած 250 մասնակցի`  Մեծ Բրիտանիայից, ԱՄՆ-ից, Բրազիլիայից, Իտալիայից, Բուլղարիայից, Շվեդիայից, Լեհաստանից, Իսրայելից, Գերմանիայից, Հունաստանից, Ղազախստանից, Ռուսաստանից, Իրանից, Վրաստանից և այլ երկրներից: Փառատոնի հյուրերը կանցկացնեն վարպետության դասընթացներ:
Երևանյան 12 բեմահարթակներում կցուցադրվի ավելի քան  50  ներկայացում: Այս մասին լրագրողների հետ հանդիպմանն ասաց փառատոնինախագահ Արթուր Ղուկասյանը:

Նա նշեց, որ թատերասերները հնարավորություն կունենան դիտելու դրամատիկական, երաժշտական, պարային, մոնոներկայացումներ, մուլտիմեդիային, տիկնիկային,  ֆիզիկական, շարժման,  կրկեսային, մանկական, ինչպես նաև բացօթյա ներկայացումներ: Փառատոնը կբացվի Սուխումիի դրամատիկ թատրոնի  «Յակիշ և Պուպչե»  (Վրաստան) ներկայացումով՝ Կ. Ստանիսլավսկու անվան ռուսական դրամատիկական թատրոնում  (բեմադրիչ՝ Դավիթ Սակվարելիձե):

Նշենք, որ փառատոնը տեղի կունենա հոկտեմբերի 1-8-ը  և կկրի «Մենք 15 տարեկան երիտասարդ ենք» խորագիրը:

Աղբյուրը` menq.org

Տարածել`