Հռոմից ավելի հին Երևանը. «Россия -24»-ի հեղինակային նյութը

 

Հռոմից ավելի հին քաղաք Երևանը.  Ռուսական «Россия -24»  հեռուստաընեկության թղթակցի անդրադարձը Երևանին:

Լրագրողը ներկայացել է վերակառուցված Կասկադով ու այնտեղ գտնվող ժամանակակից արվեստի թանգարանով, Հայաստան տեղափոխված սիրիահայերի համեղ ուտեստները մատուցող ռեստորաններով, միջազգային բոլոր ստանդարտներին համապատասխանող հյուրանոցներով ու ժամանցային կենտրոններով: Ծաղկաձորը ներկայացվել է որպես զբոսաշրջային ու սպորտային կենտրոն, Դիլիջանը՝ իր միջազգային դպրոցի շնորհիվ, որպես ինտելեկտուալ    կենտրոն:  Հնդկաստանից, Սվազիլենդից և   այլ երկրներից եկած աշակերտները պատմել են, թե ինչ են նրանք սովորում Հայաստանում և ինչպես են այստեղ նոր ընկերներ ձեռք բերում: Երևանի «Թումո» ստեղծարար տեխնոլոգիաների կենտրոնում, որը   աշխարհի 10 լավագույն ինովացիոն դպրոցների շարքում առաջատար է,  նույնպես պատմել են իրենց կրթական  ծրագրերի մասին:

Հայաստանն իր հմայքով նորովի է ներկայացել աշխարհին :

Հազարամյակների պատմություն ունեցող   մեր երկրի   ավանդույթներն ու  ձեռքբերումները,  հոգևոր ու նյութական ժառանգությունը,  յուրօրինակ բնությունը, մայրաքաղաք Երևանի  և   զբոսաշրջային կենտրոնների  կոլորիտը, միջազգային մակարդակի կրթական կենտրոնները  և այն ամենը, ինչով հպարտանում է Հայաստանը,  խտացվել են  եթերի 15 րոպեներում    և հատուկ ռեպորտաժի տեսքով մատուցվել հեռուստադիտողին:

Ռեպորտաժի հեղինակ  Անտոն Բորիսովը Մոսկվայի օդանավակայանից Երևան է ուղևորվել Ռուսաստանի Դաշնության քաղաքացիների համար նախատեսված ներքին անձնագրով, իսկ հետո  շրջել է  Հայաստանով ու  պատմել, թե ինչպիսին է այն.  հնագույն եկեղեցիներ, որոնցից  8-ը ՅՈՒՆԵՍԿՕ-ի  նյութական  մշակութային ժառանգության ցանկում են, գորգագործություն, որը Հայաստանում սկիզբ է առել դեռ մեր թվարկությունից առաջ, 6 000 տարվա հնության գինեգործական համալիր, որը գտնվել է Արենիի քարանձավում և վկայում է, որ Հայաստանը գինեգործության բնօրանն է եղել, այս ամենի կողքին՝ միջազգային կրթական կենտրոններ, որտեղ ինովացիոն կրթություն են ստանում   երեխաներ՝ աշխարհի տարբեր ծայրերից, զարգացող  տեղեկատվական տեխնոլոգիաներ, ժամանակակից հյուրանոցներ, ռեստորաններ, զբոսաշրջային կենտրոններ…  Լավաշի և արևահամ ծիրանի հայրենիքում ռուս լրագրողը բազմաթիվ այլ   բացահայտումներ է արել:

 

Տարածել`
Share

You may also like...

Sorry - Comments are closed