Հայաստանում նախատեսվում է թանգարանների ավելացում

Հանրային խորհրդի լրատվական ծառայությունից փոխանցում են, որ   օրերս  տեղի է ունեցել Հանրային  խորհրդի հերթական նիստը, որի ընթացքում քննարկվել է մշակութային կայնքին վերաբերող հարցեր: Նիստին մսնակցել է նաև մշակույթի նախարար Արմեն Ամիրյանը:  Նա հատկապես «Կինոյի մասին» օրենքի նախագծի մշակումը, որն առաջիկայում կներկայացվի Ազգային ժողով: Նախարարությունը քննարկում է նաև Հայաստանը արտասահմանյան կինոարտադրողների համար գրավիչ դարձնելու հնարավորությունները:

Քննարկամն ժամանակ հարցեր են առաջադրվել նաև գրահրատարակչության ոլորտի խնդիրների վերաբերյալ: Այստեղ, ըստ նախարարի, միանգամայն նոր մոտեցումներ են ներդրվել, որտեղ ամրագրված է բացառապես որակյալ գրքեր հրատարակելու և ընթերցողներին պահանջված գրականություն հասցնելու սկզբունքը:

Ինչ վերաբերում է պատմամշակութային հուշարձանների պահպանմանը, Ամիրյանը նշել է, որ հուշարձանների հիմնանորոգման և ամրացման հին մոտեցումները նույնպես վերանայվել են, և այժմ ամեն տարի ընտրվելու է հուշարձանների որոշակի խումբ, որն ամբողջությամբ նորոգվելու է կամ ամրացվելու, որից հետո միայն ընտրվելու է հաջորդ խումբը:

Նախարարի խոսքով՝ կարևոր ծրագիր է  համահայկական հարթակների ձևավորումը, որի վառ դրսևորումը համահայկական սիմֆոնիկ նվագախմբի ստեղծումն էր: Ամիրյանն ընդգծել է, որ այդ գործընթացին զուգահեռ նախարարությունը փորձում է նաև, ըստ երկրների, հաշվառում կատարել սփյուռքում հայկական մշակութային պոտենցյալը գնահատելու նպատակով:

Նախարարը ներկայացրել է նաև ժամանակակից թանգարանների ստեղծման ծրագիրը, որով նախատեսվում է ունենալ հայկական ռազմարվեստի, կերպարվեստի, գորգարվեստի, գինու, տիկնիկների, անգամ ստորջրյա թանգարաններ:

 

Տարածել`
Share

You may also like...

Sorry - Comments are closed