Հայաստանում էքստրիմ մետալի սիրահարներն ավելի մեծահասակ են. Daeron-ի վոկալիստ

Հարցազրույց նախկին Sworn, այժմ` Daeron էքստրիմ մետալ խմբի վոկալիստ Վլադիմիրի հետ:

 

Ե՞րբ սկսեցիք զբաղվել ռոք երաժշտությամբ, մասնավորապես մետալով:

-Շուրջ հինգ տարի է, ինչ գրում եմ երաժշտություն, բայց իհարկե ռոք-մետալով շատ ավելի վաղ եմ սկսել հետաքրքրվել: Ինձ համար շատ որոշիչ դեր է խաղացել Iron Maiden-ի Somewhere in Time սկավառակը, ապա Emperor խումբը, որը բացահայտեց ինձ համար էքստրիմ մետալ երաժշտությունը և դարձավ մեր խմբի նախահայրը:  Երաժշտությունը դարձավ ինձ համար ոչ միայն իմ հույզերն ու մտքերը արտահայտելու միջոց, այլև այն բնագավառը, որտեղ իմ խորին համոզմամբ ես և իմ խումբը կկարողանանք ստեղծել մարդկանց համար օգտակար մի բան:

Իսկ ի՞նչն է Ձեզ առանձնացնում, ինչպես Դուք նշեցիք, Ձեր նախահոր Emperor խմբից և մյուս ռոք խմբերից:

-Կոնկրետ ինձ համար Daeron-ը Sworn-ի շարունակությունն է, սակայն նոր մոտեցումներով: Երաժշտությունը ավելի յուրօրինակ է, ավելի ազդեցիկ, և մենք չենք սահմանապակվում` հեևելով նույն ժանրով հանդես եկող խմբերին: Հիմա մեր երաժշտությունը եվրոպական ակադեմիական երաժշտության ավանդույթների և նվագախմբային մոտիվների համադրումն է ռիթմիկ մոտիվների հետ, որը ունի որոշ աղերսներ Վիկտորիական դարաշրջնի մշակույթի հետ: Կարծում եմ` այդքան էլ հեշտ չէ այս ամենով հանդերձ մեզ համեմատել մյուս խմբերի հետ (ծիծաղում է) :

Ինչպե՞ս են ծնվում Daeron-ի երգերը:

-Բարդ հարց է: Նախ ծնվում է գաղափարը: Կամ ճիշտ կլինի ասել ոչ թե գաղափար, այլ զգացում, տրամադրություն, ինչ-որ բան, որ իր նախնական տեսքով գուցե և չունի ոչ մի ընդհանրություն երաժտության հետ: Կարող եք դա անվանել մուսա: Ապա սկսում եմ նվագել ըստ այդ տրամադրության և դրանից էլ ծնվում է հիմնական միտքը: Խմբի մյուս անդամների հետ որոշում ենք տեխնիկական հարցերը, համախաստախան գործիքավորումը, ապա ձայնագրվում է երգի դեմո տարբերակը, որը յուրացվում է խմբի կողմից, և երգը պատրաստ է:

-Արդեն երկու անգամ ելույթ եք ունեցել Թբիլիսիում: Կա՞ տարբերություն հայկական և վրացական լսարանի միջև:

-Իհարկե տարբերություններ կան: Այստեղ մարդիկ նախընտրում են միայն կանգնել և լսել կատարումը, իսկ վրացիները ավելի տաքարյուն են, խելագար: Հայաստանում էքստրիմ մետալի սիրահարները ավելի մեծահասակ են, իսկ Վրաստանում գերակշռում են ավելի երիտասարդները:

-Կա՞ մի համերգ, որ կառանձնացնեիք բոլոր եղածներից:

-Կարծում եմ ամենահիշարժանը և անմոռանալին 2008 թվականին մեր և մեր ընկերների համատեղ ուժերով կազմակերպված բացօթյա համերգն էր: Առաջին անգամ Հայաստան էր եկել ամբողջ աշխարհում հայտնի մետալ խումբ Սադիստը Իատալիայից: Էքստրիմ մետալի բացօթյա համերգ Երևանի սրտում. զարմանալի էլ ու հրաշալի:

Ելնելով Ձեր փորձից` ինչպե՞ս կնկարագրեք հարդ-ռոքի և մետալի դաշտը Հայաստանում, Կովկասում և հարակից երկրներում, ինչպես Իրանը կամ Ռուսաստանի Դաշնությունը:

-Ցավոք սրտի, հիմա Հայաստանում այդքան էլ շատ չեն մետալ խմբերը, սակայն եղածներից յուրաքանչյուրը ունի յուրօրինակ մոտեցում երաժշտությանը և մի նոր բան է առաջարկում հասարակությանը: Երևի մոր 10 էքստրիմ մետալ խումբ կա Հայաստանում, բայց նրանք բոլորն էլ բավականին հաջողված են: Քիչ լինելու պատճառներից մեկը պահանջարկն է: Համեմատաբար ավելի շատ լսարան կա Վրաստանում, սակայն կարող եմ ասել, որ ռոք-համերգներին դա այնքան էլ չի զգացվում: Ադրբեջանական ռոք, առավել ևս մետալ, կարելի է ասել գոյություն չունի: Իրանում կան տասնյակ հազարավոր ռոքի սիրահարներ, սակայն, ինչպես հայտնի է, ռոքը և մետալը արգելված է այնտեղ, և չկան ու մոտ ապագայում կարծում եմ չեն լինի ռոք-խմբեր: Իսկ ինչ վերաբերում է Ռուսաստանին, կարծում եմ` շատ շուտով այն կարող է համեմատվել Եվրոպայի հետ:

-Կան կարծիքներ, որ մետալը փոքր-ինչ օտար է հայկակայն հոգեկերտվածքին: Համակարծի՞ք եք այս մտքի հետ:

-Իհարկե համակարծիք չեմ: Հայաստանում մետալի սկզբմավորման շրջանում այդ տիպի կարծիքները շատ-շատ էին, և դա պայմանավորված էր հենց այդ նորության հետ, սակայն հիմա պատկերը այլ է: Նախկինում մետալ խմբերը համարվում էին ոչ նորմալ, ֆենոմենալ ինչ-որ բան, և ոչ ոք չէր համարում մետալը արվեստ: Հիմա ավելի ու ավելի շատ մարդիկ են հասկանում և սիրում այս երաժշտական ոճը: Պետք է ասեմ, որ System of a Down խումբը ահռելի դեր է խաղացել ներկայում մետալ լսող հայերի մեծամասնության երաժշտական ճաշակը ձևավորելու մեջ:

Հիմա անցումային երկրներում նկատվում է մշակույթն ու արվեստը քաղաքականացնելու ահռելի միտում, ինչը չի շրջանցել ռոք և մետալ խմբերից շատ-շատերին: Ունե՞ն արդյոք քաղաքական ենթատեքստեր Daeron խմբի կատարումները:

-Իմ և խմբի մյուս անդամների համար իսկական արվեստը չի կարող ունենալ աղերսներ քաղաքականության հետ, այն ապրում և գոյատևում է այլ հարթության վրա: Այն ավելի կենսական, ավելի իրական ու ամենահաս է, և կախված չէ իրական կյանքում տեղի ունեցող հասարակական և քաղաքական իրադարձությունների հետ: Մեզ շրջապատող քաղաքական իրականության ոչ մի տարր չի գտնում իր արտահատումը մեր կատարումներում:

հարցազրույցը՝ Սոնա Քալանթարյանի

Տարածել`
Share

You may also like...

0 thoughts on “Հայաստանում էքստրիմ մետալի սիրահարներն ավելի մեծահասակ են. Daeron-ի վոկալիստ”

Leave a Reply

Your email address will not be published.