«Լենինգրադ» խումբը կժամանի Երևան

hraparak.am- ը գրում է՝

Չնայած խմբի իրարամերժ համբավին, Շնուրովի երգերի նկատմամբ իրենց սերն են արտահայտում ամենատարբեր մարդիկ` հայտնի քաղաքական գործիչներ և հասարակ աշխատավորներ, նրբաճաշակ մելոմաններ և ռուսական շանսոնի սիրահարներ, ժամանակակից ոսկե երիտասարդությունը, մտավորականներ: Խմբի համերգները տարեցտարի լեփ-լեցուն դահլիճներ են հավաքում ինչպես Մոսկվայի ամենաթանկ ակումբներում, այնպես էլ արվարձաններում, այդ թվում՝ ԱՊՀ երկրներում: «Թվում էր՝ նրանց Երևանում տեսնելն անհնար է: Սակայն, այնուամենայնիվ, նրանք կգան»: «Լենինգրադ» խումբը Երևան կժամանի աշնանը: Լաբուտենների, առողջ ապրելակերպի, «պայուսակի» մասին հայտնի հիթերի հեղինակների հետ երգել հնարավոր կլինի 2016 թվականի հոկտեմբերի 19-ին Կ. Դեմիրճյանի անվան մարզահամերգային համալիրում: Նրանք արդեն իսկ արժանացնել են հայրենական երաժշտական մրցանակաբաշխությունների բոլոր արձանիկներին:

YouTube-ում նրանց կատարումների և յուրօրինակ տեսաշարքի 64 միլիոն դիտումը դարձրել են դրանք մեգա հիթեր: Չի կարող լինել ավելի հոյակապ նորություն, քան այն, որ պոզիտիվ, տոնական տրամադրություն և հրատապ մեմեր (թեմատիկ նկարներ և արտահայտություններ) սփռողներն ուղևորվում են շրջագայության դեպի ԱՊՀ երկրներ:  Հրաժարվելով ամբողջական ալբոմներ ձայնագրելու մոտեցումից՝ «Լենինգրադը» կենտրոնացել է առանձին տեսահոլովակների թողարկման վրա և չի սխալվել: Սերգեյ Շնուրովի խմբի յուրաքանչյուր երաժշտական ստեղծագործություն հսկայածավալ աշխատանք է, որ ներդրվում է ամենատարբեր կոմպոզիցիաներում՝ խմբի անփոփոխ առաջնորդի հեղինակած ամենահուզող լիրիկական թեմաներից մինչև ամենաառաջնակարգ տեսանյութերը, որոնց սյուժեները դիպչում են «Լենինգրադի» յուրաքանչյուր երկրպագուի հոգուն: Սա մշակութային շոկ է, ուղիղ իմաստով, որ հիացմունքի բուռն արտահայտության է արժանանում: Իր երազանքների տղամարդու հետ ժամադրության գնացող հիմարիկ և սիրունիկ աղջկա պատմությունը YouTube-ում շուրջ 64 միլիոն դիտում է ունեցել: Սա ժողովրդականության բացարձակ ռեկորդ է: Իսկ ինքը՝ Սերգեյ Շնուրովը, այսպիսի հաջողությունից հետո ձեռք է բերել նկարչի կարգավիճակ, ով փոխում է իրականությունը վրձնի թեթև խաղով:

Պատրաստե՛ք ձեր լավագույն հանդերձները և Սերգեյ Շնուրովի գլխավորությամբ փոխե՛ք ձեր աշնան տրամադրությունը ու ստացե՛ք առօրյա խնդիրներին դիմակայելու բաղադրատոմսը: «Լենինգրադ» խմբի երգերը վաղուց դարձել են հանրության կենսակերպի հայելին – ինչի մասին են խոսում, ինչի մասին՝ լռում, ինչից են դժգոհ և ինչ է դուր գալիս հասարակ մարդուն, նրա՛ն, ով քայլում է փողոցում քո կողքին: Եվ մինչ բրիտանացի գիտնականները փնտրում են խմբի համերգներին դահլիճների լեփ-լեցուն լինելու գաղտնիքը, մենք վստահաբար գիտենք, որ «Լենինգրադը» հանրահայտ է նրանով, որ երբեք կանգ չի առնում և չի վայելում դափնիները՝ այլ առաջնորդվում է «նոր ժամանակներ, նոր երաժշտություն և նոր մենք» սկզբունքով: «Ես, իհարկե, կարող եմ ստեղծել երգեր, ինչպես «առաջ», քանի որ հենց ես եմ գրել դրանք, բայց «առաջ»-ն արդեն անցել է, և եկել է «հիման»: Այն երգերը ես գրել էի «առաջ»-ի մասին և «առաջ»-ի համար, հիմա էլ կարելի է «ինչպես առաջ», սակայն ինչու, եթե կա «հիմա»-ն, առանց որևէ «ինչպես»-ի: Կարելի է համարել, որ ամեն ինչ առաջվանն է… ապրել հիշողություններով հարմար է, սակայն ձանձրալի և անարդյունավետ: Ես կարող եմ նաև գրել այդ ամենն առանց հայհոյախառը բառերի, սակայն դա լրիվ այլ բան կլինի», – այպես է բնութագրում իր աշխարհընկալումը Սերգեյ Շնուրովը: Այդ երգերում կարող ես նայել քեզ կողքից, ծիծաղել ինչ-որ մեկի, իսկ առաջին հերթին ինքդ քեզ վրա: Հենց այդ պատճառով էլ«Լենինգրադի» ամեն նոր կոմպոզիցիա ուղեկցվում է սկանդալով և միլիոն «հավանումներով»:

Համընդհանուր զվարճանքին կարող եք միանալ 2016 թվականի հոկտեմբերի 19-ին Կ. Դեմիրճյանի անվան մարզահամերգային համալիրում:

Տարածել`
Share

You may also like...

Sorry - Comments are closed