Իմ հագուստը կարող է փոխել մարդկանց տեսքը. այսօր ծնվել է Ջորջիո Արմանին

Այսօր իր ծննդյան 82-ամյակն է նշում իտալացի դիզայներ եւ բիզնեսմեն, Armani առաջատար բրենդի հիմնադիր Ջորգիո Արմանին: Արմանիի ճաշակը գնահատում են ոչ միայն նորաձեւության, այլեւ կինոարտադրության աշխարհում:

Նա աշխատել է  «Անծանոթների հանգստությունը», «Անհասանելիները», «Մատրիցա» եւ այլ հայտնի  ֆիլմերի հագուստների վրա:

Էլ ով, եթե ոչ Արմանին  կարող է լավագույնս խոսել ոճի եւ նորաձեւության մասին:

Ճանաչված դիզայների հայտնի մեջբերումները ներկայացնում ենք ձեր ուշադրությանը:

«Ոճի եւ նորաձեւության միակ տարբերությունը որակն է»:

«Ես կարծում եմ` իմ հագուստը կարող է փոխել մարդկանց տեսքը` նրանց հաղորդելով ինքնավստահություն եւ լավ զգացողություններ»:

«Անգամ իմ ամենահամարձակ երազանքներում ես չէի էլ կարող ենթադրել, որ մի օր դիզայներ եմ դառնալու»:

«Ջինսերը նորաձեւության մեջ համարվում են ժողովրդավարության խորհրդանիշ»:

«Բացառիկ բան ստեղծելու համար մտքիդ յուրաքանչյուր բջիջը պետք է կենտրոնացած լինի ցանկացած դետալի վրա»:

«Ես միշտ կարծել եմ, որ շապիկները նորաձեւության Ալֆան եւ Օմեգան են»:

«Իրականում, ինձ ուրախացնում է շուկայում կեղծ Armani-ների քանակը: Դա փաստում է այն մասին, որ ես պահանջված եմ ամբողջ աշխարհում»:

«Իմ մանկությունն ուրախ չի անցել»:

«Պատերազմն ինձ սովորեցրեց`  ամեն ինչ չէ, որ գլամուրային է»:

«Քեզ կարող է թվալ, թե արդեն ամեն ինչ արել ես, սակայն մամուլն ու հասարակությունը միշտ ավելին են  սպասելու քեզանից»:

«Իրականում այնքան շատ բաներ պետք է հաշվի առնել կյանքում. մամուլ, հասարակություն, սեփական սկզբունքներ: Երբեք քեզ կատարյալ չես զգում»:

Սյունե Առաքելյան

NEWS.am STYLE

Տարածել`
Share

You may also like...