Մի սուրբ և իմաստուն ծերունի հաճախ Աստծուց տրված տեսիլքներ և հայտնություններ էր ունենում: Մի անգամ միաբանական եղբայրությունը խնդրեց նրան պատմել ինչ-որ մի տեսիլքի մասին: Նախազգուշացնելով զերծ լինել մարդկային հպարտությունից, մանավանդ այն մարդկանց, ում Աստված պարգևում է յուրահատուկ հոգևոր շնորհներ, ծերունին ասաց. «Դուք ցանկանու՞մ եք ունենալ հրաշալի տեսիլքներ: Ես ցույց կտամ ձեզ դրանցից մեկը: Եթե տեսնեք մաքրակենցաղ, սրտով խոնարհ, աստվածապաշտ մարդու, ուրեմն դա հիանալի տեսիլքներից մեկն է, քանի որ այդ մարդու մեջ դուք կարող եք տեսնել անտեսանելի Աստծուն, և մի հարցրեք ինձ ուրիշ տեսիլքների մասին, որոնք կարող էին լինել դրանից ավելի բարձր»:

Ռուսերենից թարգմանեց Հովհաննես սարկավագ Ասատրյանը

Տարածել`