Իգոր Կրուտոյը հերքել է «Նոր ալիք» մրցույթի վերադարձը Յուրմալա

«Նոր ալիք» երաժշտական մրցույթը չի վերադառնա Լատվիա, հայտարարել է մրցույթի ժյուրիի նախագահ Իգոր Կրուտոյը։

«Դժվար թե»,- ասել է Կրուտոյը՝ պատասխանելով Интерфакс-ի՝ մրցույթը Յուրմալա վերադարձնելու մասին հարցին։

Նա նշել է, որ փառատոնը կարող է տեղափոխվել այլ քաղաք, սակայն կմնա Ռուսաստանում։ «Կլինի դա Սոչին, չգիտեմ։ Սակայն այն, որ դա կլինի Ռուսաստանի շրջանակում, հաստատ է»,- ասել է Կրուտոյը։

2002-ից «Նոր ալիք» երաժշտական փառատոնն ամեն տարի անցկացվում էր Յուրմալայում։ 2014թ. հուլիսին Լատվիայի իշխանություններն արգելեցին ռուս կատարողներ Իոսիֆ Կոբզոնի, Վալերիայի և Օլեգ Գազմանովի մուտքը երկիր։ Արտիստներին արգելելու պատճառն այն էր, որ նրանք աջակցել են Ղրիմի անեքսիային։

Տարածել`
Share

You may also like...

0 thoughts on “Իգոր Կրուտոյը հերքել է «Նոր ալիք» մրցույթի վերադարձը Յուրմալա”

Leave a Reply

Your email address will not be published.