Էմի Ուայնհաուսի մասին ֆիլմում գլխավոր դերը կկատարի «Պրոմեթևսից» դերասանուհի Նումի Ռափասը

Հանգուցյալ երգչուհի Էմի Ուայնհաուսի մասին կենսագրական ֆիլմում գլխավոր դերը կկատարի «Պրոմեթևս» ֆիլմից դերասանուհի Նումի Ռափասը, գրում է The Hollywood Reporter-ը։

Ֆիլմի սցենարի հեղինակն ու ռեժիսորն է իռլանդացի կինոռեժիսոր Քիրսթեն Շերիդանը: Նշվում է, որ գլխավոր դերը, հավանաբար, կկատարի շվեդ դերասանուհի Նումի Ռափասը:

Ֆիլմի հավանական անվանումն է «Էմի Ուայնհաուս»: Նախագիծը դեռևս գտնվում է նախապատրաստական փուլում, քննարկվում են ֆինանսավորման հարցերն ու նկարահանման փուլերը: Նաև տարվում են բանակցություններ երգչուհու հոր հետ` ֆիլմում Ուայնհաուսի ձայնագրություններն օգտագործելու իրավունքը ստանալու համար:

Նախկինում հաղորդվում էր, որ հանգուցյալ երգչուհու հայրը քննադատել է դստեր մասին արդեն նկարահանված ֆիլմը, որը թողարկվել էր այս տարի:

Էմի Ուայնահուսը մահացել է ալկոհոլային թունավորման հետևանքով 2011-ին՝ 27 տարեկանում։

Տարածել`
Share

You may also like...

0 thoughts on “Էմի Ուայնհաուսի մասին ֆիլմում գլխավոր դերը կկատարի «Պրոմեթևսից» դերասանուհի Նումի Ռափասը”

Leave a Reply

Your email address will not be published.