Զորոն կվերադառնա մեծ էկրան

Դիմակավոր հերոս Զորոն կրկին կվերադառնա մեծ էկրան։ Lantica Media և Sobini Films կինոընկերությունները հայտարարել են ֆիլմի ստեղծման մասին, որն անվանվել է «Զորոն վերածնվում է», գրում է Лента-ն։
Ֆիլմի գործողությունները կընթանան Կալիֆորնիայում, ինչպես սկզբնաղբյուրում՝ Ջոնսթոն ՄքՔալիի արկածային գրքերում։ Կփոփոխվի միայն ժամանակը. հեղինակները հերոսին կտեղափոխեն մոտ ապագա։
Նկարահանումները կսկսվեն 2016թ. մարտին Դոմինիկյան Հանրապետությունում՝ Pinewood ստուդիայում։ Գլխավոր դերակատարը և ռեժիսորը դեռևս չեն ընտրվել։
«Յուրաքանչյուր սերունդ ունի իր Զորոն, և մենք ուրախ ենք նման հնարավորության համար՝ ներկայիս սերնդին ներկայացնել նոր Զորո»,- նշել է Lantica Media ընկերության ղեկավար Անտոնիո Ջենարին։
- Previous «Բազե» հավաքի ինտելեկտուալ մրցույթում հաղթել է ՀՊՏՀ-ի թիմը
- Next Սանկտ Պետերբուրգում կկանգնեցվի Վիկտոր Ցոյի արձանը