«Արցախ, իմ սեր». Բեմադրությունը նվիրվում է Հայաստանի անկախության 25 ամյակին

Մայիսի 30-ին և 31-ին, ժամը 19:00-ին, Հ. Պարոնյանի անվան երաժշտական կոմեդիայի պետական թատրոնում տեղի կունենա Ա. Բարսեղյանի «Արցախ, իմ սեր» կամ «Պըլը Պուղի» երաժշտական կատակերգության առաջնախաղը՝ նվիրված ՀՀ անկախության 25-ամյակին:

Հ. Պարոնյանի անվան երաժշտական կոմեդիայի թատրոնն անդրադարձել է Արարատ Բարսեղյանի «Արցախ, իմ սեր» /«Պըլը Պուղի»/ հերոսական կոմեդիային, նպատակ ունենալով ևս  մեկ անգամ հանրությանը հիշեցնել Արցախի պատմության, օտարերկրյա զավթիչների դեմ ժողովրդի պայքարի, նրա նիստուկացի, հումորի, երգ ու պարի, պատմական Մազրայի ու Շուշիի մասին: Դրամատուրգը՝ զվարճաբան Պըլը Պուղու միջոցով ներկայացնում է Ղարաբաղի քաղցր լեզուն, հայ մելիքներին, որոնք իրական պատմական կերպարներ են:

Ներկայացման բեմադրիչն է  Գայանե Բարսեղյանը /ԱՄՆ/, դիրիժորը՝ Արեգ Առուստամյանը, նկարիչը՝ Տաթև Հովհաննիսյանը: Բեմադրության  ասիստենտներն են ՝ ՀՀ վաստակավոր արտիստ Բորիս Պեպանյանը, ՀՀ մշակույթի վաստակավոր գործիչ, պարուսույց  Գագիկ Կարապետյանը, խմբավար՝ Շուշան Հովհաննիսյանը:

Դերերում հանդես կգան  Ավո Խալաթյանը, Բորիս Պեպանյանը, Սաթիկ Հախնազարյանը, Մարիամ Գրիգորյանը, Աշոտ Հակոբյանը, Արթուր Կարապետյանը, Վարուժան Մանուկյանը, Արթուր Գեղամյանն ու Արմեն Գասպարյան: Թատրոնի գեղարվեստական ղեկավար՝ ՀՀ ժողովրդական արտիստ, ՀՀ պետական մրցանակի դափնեկիր Երվանդ Ղազանչյան:

Ծրագիրը կիրականացվի ՀՀ մշակույթի նախարարության աջակցությամբ:

Տարածել`
Share

You may also like...

0 thoughts on “«Արցախ, իմ սեր». Բեմադրությունը նվիրվում է Հայաստանի անկախության 25 ամյակին”

Leave a Reply

Your email address will not be published.