Մշակութային ալիքի ուղիղ եթերում այսօր,ժամը՝ 21:30-ին հայտարարվեցին Մշակութային ալիքի մրցանակաբաշխության՝ երգարվեստի,կինոարվեստի,կերպարվեստի և հագուստի մոդելավորում բաժնի ժյուրիի գնահատականները, որոնց գնահատականներով էլ որոշվեցին հաղթողները: 

Երգարվեստ բաժնում հաղթող ճանաչվեց Սուրեն Պողոսյանը , իսկ նրա մրցակից Վարդան Բարսեղյանը  զբաղեցրեց 2-րդ  հորիզոնականը: Երգարվեստի փոքրերի անվանակարգում հաղթեց Էլինա Չոլախյանը , իսկ  նրա մրցակցուհին՝ Մեգի Բադիրյանը գրավեց 2-րդ  հորիզոնականը:

Կինոարվեստում պայքարը բավականին թեժ էր: Ժյուրիի գնահատականների արդյունքում լավագույնը ճանաչվեց ռեժիսոր Անի Հակոբյանի  Շրջապտույտ ֆիլմը:

Կերպարվեստ բաժնում հաղթող ճանաչվեց  Շուշան Գևորգյանը: Կերպարվեստ բաժնում  2 մասնակիցներ՝ Եկատիրինա Վալեանուն և Զոհրաբ Թովմասյանը  հավաքեցին նույն միավորները,  և Մշակութային ալիքը դիմեց իր հեռուստադիտողներին. հեռուստադիտողների քվեարկության արդյունքում 2-րդ հորիզոնականը զբաղեցրեց  Զոհրաբ Թովմասյանը:

Մրցույթի  ավարտին  Մշակութային ալիքի մրցանակաբաշխության կազմակերպիչը ևս մեկ անգամ հիշեցրեց ,որ այսօր, ժամը  23:00-ին հայերը միավորվեն  և     դիտեն Եվրատեսիլը և քվեարկեն Արծվիկի օգտին:

Աղբյուրը` menq.org

Տարածել`