«Ապակե կախազարդը» The IndieFEST Film Awards-ում արժանացել է հատուկ մրցանակի

ԱՄՆ Կալիֆորնիայի նահանգում անցկացված The IndieFEST Film Awards մրցանակաբաշխությանը կինոռեժիսորներ Նարինե Մկրտչյանի և Արսեն Ազատյանի «Ապակե կախազարդը» գեղարվեստական լիամետրաժ ֆիլմն արժանացել է հատուկ մրցանակի՝ բարձր արժանիքների համար։ Այս մասին «Արմենպրես»-ին տեղեկացրել են «Այսօր-Պլյուս» ֆիլմարտադրությունից:

«Այս մրցանակաբաշխությունն առանձնանում է նրանով, որ մրցանակները տրվում են չորս անվանակարգերում՝ «Լավագույն շոու»-ի, «Վարպետության», «Բարձր արժանիքների» և «Ճանաչման» համար։ Եվ շատ ֆիլմեր ստանալով այս մրցանակները՝ երաշխիք են ստեղծում մասնակցելու Օսկարի և Էմմիի մրցանակաբաշխությանը, քանի որ ժյուրին կազմված է The IndieFEST Awards և Emmy մրցանակաբաշխության անդամներից»,-տեղեկացրել են Նարինե Մկրտչյանը և Արսեն Ազատյանը:

«Ապակե կախազարդը» մինչ այս մասնակցել էր Բուսանի, Կալկաթայի, Մոսկվայի, Մոնրեալի, Հյուստոնի, Լուիզվիլի և այլ միջազգային կինոփառատոններին և պատվով ներկայացրել Հայաստանը։

Տարածել`
Share

Tags

You may also like...

0 thoughts on “«Ապակե կախազարդը» The IndieFEST Film Awards-ում արժանացել է հատուկ մրցանակի”

Leave a Reply

Your email address will not be published.