Քայլի Մինոուգը 5 տարեկան է. Լուսանկարներ

Համաշխարհային ճանաչում ունեցող ավստրալացի փոփ երգչուհի Քայլի Մինոուգը նշեց    իր  50-ամյակը: Երգչուհին Բրիտանական կայսրության շքանշանի շքանշանակակիր է, Գրեմմի մրցանակակիր, թողարկել է 14 ալբոմ, նրա «Fever»-ը աշխարհում ամենաշատ վաճառված ալբոմն է:

Նա փոփ երաժշտության ամենաազդեցիկ երգիչներից մեկն է, նրան հաճախ համեմատում են Մադոննայի հետ:

Քայլի Մինոուգը ծնվել է 1968 թ-ին Ավստրալիայի Մելբուրն քաղաքում։ Հայրը՝ Ռոն Մինոուգը, ավստրալացի է, ում ընտանիքը տեղափոխվել էր Ավստրալիա Իռլանդիայից, իսկ Քայլիի մայրը՝ Քերոլ Ջոնսը, ուելսցի է, որը գաղթել է Ուելսից 1955 թվականին։ Քայլին երեք երեխաներից ամենամեծն է։ Նրա քույրը՝ Դանի Մինոուգը, նույնպես երգչուհի է, իսկ եղբայրը՝ Բրենդանը, աշխատում է որպես լուրերի ֆոտոլրագրող Ավստրալիայում։ Նրանք բոլորն էլ հաճախել են Մելբուրնի Քեմբերվիլ դպրոցը։

10 տարեկանից Մինոուգ քույրերը սկսել են իրենց հաղթարշավը ՝ Ավստրալիայի հեռուստատեսության ցուցադրումներում, իսկ 11 տարեկանից Քայլի Մինոուգը սկսել է  նկարահանվել սերիալներում, սակայն երկար ժամանակ նրան չէին նկատում:

Առաջին հաջողությունը նրան բերեց  1986 թվականին  «Հարևաններ» սերիալում  խաղացած դերը: Այդ դերի համար ապագա երգչուհին միանգամից  մի քանի ավստրալիական մրցանակի արժանացավ:

Տարիներ անց Մինոուգը պայմանագիր է կնքում ձայնագրման ստուդիայի հետ և 80-ականներին թողարկում է առաջին ալբոմը, մասնավորապես,  1988թ-ին,  Ավստրալիայում ամենահայտնի երգերից մեկը՝  «The Locomotion»-ը:

Մեկ տարի անց թողարկվում է երգչուհու «Kylie» դեբյուտային ալբոմը, որը  բրիտանական հիթ-շքերթներում զբաղեցրել է առաջին տեղը, իսկ ԱՄՆ-ում այն ստացել է «Ոսկե» կարգավիճակ:

Իհարկե, երգչուհուն երկար ժամանակ չհաջողվեց  կրկնել առաջին ալբոմի հաջողությունն ԱՄՆ-ում, չնայած ալբոմների լավ վաճառքին, այդուհանդերձ, երկար ժամանակ թե իր հայրենիքում, թե Մեծ Բրիտանիայում, խոշորագույն հյուսիսամերիկյան շուկան փակ էր երգչուհու համար:

1990-ականների կեսերին Քայլի  Մինոուգը փորձեց փոխել իր իմիջն ու երաժշտական ժանրը:
Նրա հինգերորդ և  վեցերորդ ալբոմները դարձան երգչուհու ստեղծագործական բարձունքը, սակայն, ինչպես հաճախ է տեղի ունենում, դրանք հանրության լայն շերտերին հայտնի չդարձան:
2001թ-ին թողարկեց «Fever» ալբոմը, որը նրան հնարավորություն տվեց ճանաչման հասնել հյուսիսամերիկյան շուկայում, իսկ արդեն 2004 թ-ին Մինոուգն արժանացավ «Գրեմմի» մրցանակի «Come into my Head» երգի համար:

2005 թվականի գարնանը երգչուհու մոտ ախտորոշում են կրծքագեղձի քաղցկեղ: Նրան վիրահատում են, իսկ հետո քիմիաթերապիայի կուրսեր է անցնում, որից հետո հայտարարում են, որ հիվանդությունը հնարավոր է եղել չեզոքացնել:

Դրանից հետո երգչուհին սկսում է նորից բեմ դուրս գալ:

 

Տեսանյութը` սկզբնաղբյուրում

Աղբյուրը` panorama.am

Տարածել`
Share

You may also like...

Sorry - Comments are closed