Մեկնարկում է Խաչատրյանի միջազգային 4-րդ փառատոնը

Խաչատրյանի միջազգային 4-րդ փառատոնի մեկնարկը տրելու է  Արամ Խաչատրյան համերգասրահում հոկտեմբերի 6-ին «Խաչատրյանը և ջազը» համերգային ծրագրով:

Հայաստանի պետական երիտասարդական նվագախումբի կայքից տեղեկանում ենք, որ համերգի ընթացքում կհնչեն Արամ Խաչատրյանի ստեղծագործությունների ջազային մշակումները և համաշխարհային պրեմիերա՝ Դեվիդ Դե Բուր Քենֆիլդ՝ Կոնցերտ Արամ Խաչատրյանի թեմաներով սաքսոֆոնի և նվագախմբի համար:  Ստեղծագործությունը նվիրվում է ՀՀ անկախության 25-ամյակին:

Համերգին հանդես են գալու Հայաստանի պետական երիտասարդական նվագախումբը և Հայաստանի պետական ջազ նվագախումբը: Որպես մենակատար հանդես են գալու սաքսոֆոնահարներ Հայրապետ Առաքելյանը, Արմեն Հյուսնունցը, դաշնակահար Վահագն Հայրապետյանը: Դրիժորներն են Սերգեյ Սմբատյանը, Արմեն Հյուսնունցը:

Նյութի աղբյուրը՝ panorama.am

Տարածել`
Share

You may also like...

Sorry - Comments are closed