Հաջողակ լինելու համար պատասխանատվություն է պետք

«Մենք» մշակութային առցանց լրատվականի հյուրն այս անգամ հեռուստատեսային և ռադիո մեկնաբան Լիլիթ Թանդիլյանն է: Մարդ ումից կարելի է անվերջ սովորել և վարակել իր առանձնահատուկ նպատակասալությամբ: Այսօր սիրելի հաղորդավարուհին աշխատում է  Երկիր Մեդիա ՀԸ-ում և Radio Aurora-ում և  կարողանում է համատեղել նախընտած  աշխատանքը ընտանիքի և այլ տարբեր զբաղումների հետ: Մեր փոքրիկ հարցախույզը փորձեց պարզել Լիլիթ Թանդիլյանի նպատակասլաության հիմնական պատճառները: Եվ այսպես.

-Լիլիթ, Դուք Ձեզ համարո՞ւմ եք ձեզ հաջողակ մարդ:

-Այո, բայց պետք է նշել, որ հաջողակ լինելուն, իհարկե,նպաստում է նաև նպատակասլացությունը: Կարծում եմ դրանք փոխկապակցված են։

-Ո՞րն է ձեր հաջողության բանաձևը:

-Լինել պարզ ու հասարակ, անկեղծ ու արդար: Վստահ եմ, որ  ամեն ինչ կվերադառնա միայն հաջողությունների տեսքով։

Ո՞վ է ձեզ համար ամենահաջողակ մարդը:

-Նրանք, ովքեր տարիներ անց շատ դժվարությունների միջով անցնելուց հետո արձանագրում են մի շարք հաջողություններ,  որոնք արդեն այդ պահից սկսած թվում է,  թե կյանքն է նվիրել հենց այնպես։

Սկզբունք, որին երբեք չե՛ք դավաճանում:

-Լինել արդար։

-Փոփոխություններ, որոնք անհրաժեշտ եք համարում:

-Երբեմն պետք է մեկ օր դադար վերցնել, ու լսել սրտի ու մտքի ձայնը, որից հետո արժևորել այն , ինչ ունես ու քայլ անել դեպի նոր երազանքին կամ նպատակին ընդառաջ, այն կողմ, որի ընթացքը դեռ շղարշվում է, դեռ չգիտես ինչ է լինելու, պարտադիր է երբեմն նորություն մտցնել կյանքի ռիթմի մեջ որպեսզի փոփոխություն լինի ու հայացքդ կյանքի նկատմամբ նորովի լինի։

-Կնոջ Ձե՛ր գաղտնիքը, որը մշատպես բալանսի վրա է կարողանում պահել ձեր կյանքն՝ անկախ իրավիճակներից:

-Գլխավոր գաղտնիքը միշտ առաջ գնալու ձգտումն է, սակայն հարգելով ու գնահատելով քեզ շրջապատող մարդկանց: Հավատ՝ սեփական ուժերի հանդեպ: Հաջողակ լինելու համար նաև պատասխանատվությունն է պետք:

Տարածել`
Share

You may also like...

Sorry - Comments are closed