Ստորեւ ներկայացնում ենք մրցանակաբաշխության հաղթողներին՝ ըստ անվանակարգերի.

«Երիտասարդ բնապահպան» – Օվսաննա Հովսեփյան
«Երիտասարդ գյուղատնտես»  – Արամ Վերդյան
«Երիտասարդ գիտնական» – Կարինա Մովսեսյան
«Երիտասարդ մշակութային գործիչ/կոլեկտիվ» – «Երևանյան թմբուկներ» (Պավել Սարգսյան)
«Երիտասարդական աշխատող» – Կարեն Այվազյան
«Երիտասարդ մարզիկ» – Աշոտ Սաքանյան
«Երիտասարդ հայրենադարձ» – Լարիսա Հովհաննիսյան
«Երիտասարդ գործարար» – Գագիկ Թամազյան
«Երիտասարդ հայրենիքի պաշտպան» անվանակարգը դարձավ միակ անվանակարգը, որը չունեցավ քվեարկություն: Վահե Մարտիրոսյանը, Արմեն Գրիգորյանը և Դմիտրի Մադյանը դարձան անվանակարգի հաղթողներ:

Հիշեցնենք,«Երևանյան թմբուկներ» թմբկահարների խումբը 2017թ. ելույթ է ունեցել Մոսկվայում անցկացվող «Սպասկայա Բաշնյա» աշխարհի ամենամեծ զինվորական-երաժշտական նվագախմբերի միջազգային փառատոնում:

Հեղինակավոր այս փառատոնին 2017թ. մասնակցում էին աշխարհի ամենահեղինակավոր նվագախմբերը և նախագահական կամ թագավորական պատվո պահակային վաշտերը Շվեցարիայից, Շոտլանդիայից, Չինաստանից, ԱՄՆ-ից, Հնդկաստանից, Թուրքիայից, Բելարուսից, Կազախստանից, Եվրոմիությանից (միացյալ) և 12 ռուսական պետական նվագախմբերից: «Մենք» պետական և ազգային արժեքների հանրահռչակման հիմնադրամի գլխավոր տնօրեն՝ Պավել Սարգսյանի նախաձեռնությամբ իրականացված բանակցությունների արդյունքում (մոտ 4 տարի) Հայաստանը ներկայացրեց երկու խումբ՝ ՀՀ ՊՆ ԳՇ նվագախումբը և «Երևանյան թմբուկներ» թմբկահարների խումբը: «Երևանյան թմբուկներ» թմբկահարների խումբը ներկայացավ 2 դրոշակակրով և 12 թմբկահարով՝  խմբում ընդգրկված լավագույներով, որոնց տարիքային շեմը տատանվում է 15-25-ի սահմաններում (բոլորը աղջիկներ):

Կարմիր հրապարակում անցկացվող այդ փառատոնը՝ 9 օրերի ընթացքում դիտեցին մոտ 83 հազար հանդիսատես, իսկ համացանցով և հեռուստատեսությամբ 105 միլիոնից ավել մարդ: Փառատոնը հերառձակվեց՝ EuroNews, Russia Today, Москва 24, ТВЦ, Первый канал հեռուստաալիքներով: Նշված Первый канал, Москва 24 և ТВЦ հեռուստաալիքները անգամ ուղիղ եթերներով ներկայացրեցին «Երևանյան թմբուկներին», որոնց ներկայացվում էի որպես ամենագեղեցիկ և տպավորիչ ելությներից մեկը:

Հիշեցնենք, որ ինչպես նախորդ, այս տարի ևս հաղթողների ընտրությունն իրականացվել է երեք փուլով.

1-ին փուլ: Համաժողովրդական առաջադրում և քվեարկություն: Համապատասխան կայքում բոլոր ցանկացողները նշված անվանակարգերում առաջադրել են իրենց թեկնածուներին: Նախարարությունն ամփոփել և առավել շատ ձայներ հավաքած 5 թեկնածուի  ներկայացրել է համապատասխան նախարարություններ:

2-րդ փուլ: Համապատասխան նախարարություններն ըստ անվանակարգերի թեկնածուներից ընտրել են երեք հավակնորդի, ովքեր ներկայացվել են մրցանակաբաշխության երեկոյի ընթացքում:

3-րդ փուլ: Երեկոյի ընթացքում երեք թեկնածուի անունները եւ լուսանկարները հայտնվել են մեծ էկրանին, եւ հանդիսատեսը (ոլորտի հայտնի մասնագետներ, պետական պաշտոնյաներ, հյուրեր, նոմինանտներ) ուղիղ քվեարկությամբ տեղում ընտրել են հաղթողին:

Աղբյուրը՝ menq.org
Լասանկարները՝ erit.am, regnum և sputnik.